…Hər ikinci Polşa keşişi təhdid və ya zorakılıqla üzləşib. Katolik Kilsəsi artan düşmənçilikdən danışır və dialoqa çağırır.
SİA xarici qaynaqlara istinadən xəbər verir ki, Polşadakı Katolik Kilsəsinin Statistika İnstitutunun məlumatına görə, ölkədəki keşişlərin demək olar ki, 50 faizi vətəndaşların təcavüzü ilə üzləşib.
Qanun pozuntularına şifahi təhqir, təhdidlər, vandalizm və hətta fiziki hücumlar daxildir.
Bu vəziyyət, ekspertlərin qeyd etdiyi kimi, ölkədə anti-klerikal əhval-ruhiyyənin artdığını və dini qurumların nüfuzunun aşağı düşdüyünü əks etdirir.
…Varşava mediası kilsələrin birində keşişin ayin zamanı naməlum şəxslərin hücumuna məruz qaldığı insident barədə məlumat yayıb.
Bundan əlavə, monastırları yandırmaq cəhdləri də qeydə alınıb. Hakimiyyət dini obyektlərin təhlükəsizliyini gücləndirəcəyini vəd edir, ruhanilər isə sakitliyə və etimadın bərpasına çağırır.
Eyni zamanda, Polşada gənclərin kilsələrdən tədricən axını müşahidə olunur ki, bu da kilsənin vəziyyətini pisləşdirir. Bəzi keşişlər bu cür hadisələrin müntəzəm olacağından ehtiyat edərək, ardı-arası kəsilməyən hücumlardan sonra artıq əlavə təhlükəsizlik tələb edirlər.
Kilsə və cəmiyyət arasında artan gərginlik Polşanın getdikcə daha çox üzləşdiyi problemdir. Kilsə dairələri ümid edir ki, ictimai dialoq qarşıdurma səviyyəsini azaltmağa kömək edəcək.
Əli Babayev
